Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1291_3

<begin>
wi scepenen van den niewen lande binnen machline heinric van ofstaden ende gielis van heuere wi doen cont allen den ghenen die nu siin ende wesen sullen
</begin>
<main>
dat staes van heisbrouc quam vor ons ende drouch up xxiiii s louentsche siaers erfliics tsens ten nonnen bouf van sente victors hordine van parijs de welke siin wonende binnen machline de welke ontfinc broeder heinric ten nonnen bouf ende dese tsens es gheleghen tusschen reiners witleders ende ten straetkine daermen gaet ter neckerstraten van deser eruen esmen sculdech xii s louentsche H< ende van den erue dat ver hoede van der manden oudende es banderside der straten jeghen hare houer xii s louentsche ende dit was ghedaen bi maninghen srechters ende bi wiisdoeme der scepenen
</main>
<end>
ende omme dat dit waer es ende seker so ebwiere wi vornomde scepenen onse propere segele an gheanghen ende dese lettre was ghemaect int iaer ons heren alsmen scriift mcc iaer ende xc sondags vor palme sondach ende desen tsens salmen ghelden de ene helft te sente ians misse ende dander helft te kersauonde sepenen
</end>