Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1291_4

<begin>
wi scepenen van der eyden buten neckerspoele arnout van scipuort ende claeus de parkementre ende gielis van heuere wi doen cont allen den ghenen die nu siin ende wesen sullen
</begin>
<main>
dat de nonnen van sente victors hordine van parijs de welke siin wonende binnen machline ebben ghecreghen erfliics tsens ieghen stase van heisbrouc die gheleghen es up de eyde ian hoeft xxviii d te sente bamisse de selue ian hoeft ii s te kersauonde van den lande dat leecht ande scors molen heins beren kindere viii d van enen stucke lants dat leecht ieghen de scors molen ende de nonnen vi 1/2 s van den lande dat leecht bider scors molen dat pieter van oudenghem oudende es arnout de crupel ii s ende ii hoenre van den stucke lants daer hi up ghetemmert heft ende dese selue nonnen viii s ende viii hoenre van den lande dat leecht up de eyde ende alse sulken tsens van allen desen alse de here van den lande neemt ende dit was ghedaen bi maninghen srechters ende bi wijsdoeme der scepenen
</main>
<end>
ende omme dat dit waer es ende seker so ebbe wiere wi vornomde scepenen onse propere seghele an gheanghen ende dese lettre was ghemaect int iaer ons heren alsmen scriift mcc iaer ende xc sondags vor palme sondach
</end>