Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1291_9

<begin>
Wi scepenen van der eyden buten neckerspoele ian de bere ende claeus de parkementre wi doen cont allen den ghenen die dese lettre sullen sien ende horen lesen
</begin>
<main>
dat broeder ian van den cranken heft ghecocht ten cranken bouf jeghen willemme ian becs sone xx s siaers erflike up sin hus ende up de erue diere toe behort up de mate van enen buunre lants ende dat gheleghen es in de coestrate buter der porten ende alse sulc paiment alse daemen mede coept ende vercoept de ene helf te kersauonde ende dan[der] helft te sente ians misse ende hier toe heft ghedaen dese vornomde willem ant ende mont dat scepenen seiden dat hiere ghenouch toe ghedaen adde ende dit was ghedaen bi maninghen srechters ende bi wiisdoeme der scepenen
</main>
<end>
ende omme dat dit waer es ende seker so ebwiere wi vornomde scepenen onse propere seghele an gheanghen ende dese lettre was ghemaect int jaer ons heren alsmen scriift mcc iaer ende xci smaendags vor ascensioen
</end>