Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1292_1

<begin>
Wi scepenen vander heiden buten neckerspole claus die parcumentere Jan die bere ende heineman goetghebuer wi doen cont alle den ghenen die nv sijn ende wesen selen
</begin>
<main>
dat bruder heinrijc heeft ghecocht ten nonnen boef van sente victors ordine van parijs die wonende sijn binnen mechline iiij s siars erflike sijs seghen arnoude den scorsmolnere up een herue dat gheleghen es biden witten venne ende daer hi up ghehust heft ende up al dat hi daer heft ende alse selken tsens alse daermen mede coept ende vercoept dene helft te sente Jans misse ende dander helft te kersauonde ende dit was ghedaen bi maninghen srechters Jan brunoges die rechtere was tien tiden ende bi wijsdome der scepene ende dit es behouden elcs mans rechte
</main>
<end>
ende om dat dit waer es ende seker soe hebwire wi vore ghenomede scepenen onse propere seghele ane gheanghen ende dese lettere was ghemaecht int iaer ons heren alsmen scrijft m cc ende lxxxxij disensdaghes na triniteit
</end>