Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1292_2

<begin>
Wi scepenen vander heiden buten neckerspoele claus de parcumentere ende heineman goetghebur doen cont alle den ghenen die Nu siin ende wesen selen
</begin>
<main>
dat her gherart van perke de pape heuet ghecocht ten nonnen boef van sente victors ordene van parijs die wonectech sien binnen machline x s tsars erflike tsens zeghen willemme sauwele ende margriten sien wief op een erue dat gheleghen hees buten dire coesstrate op die veste ende dat men houd van her arnoude vanden stalle ende op tve scellinghe tornose ende naeste tseren sijs so hebwi onsen tsijs daer hi op gheuset heuet ende op hal dat si daer hebben ende also selke tsens alse daer men mede copet ende vercopet dene helft te kersauonde ende dander helft te sente iansmisse ende dit was ghedaen bi manissen t srecters ians brunoghe die rectere was tien tiden ende bi wijsdome der scepenen ende dit es behoudelike elcs mans rechte
</main>
<end>
ende om dat dit waer es ende zeker soe hebwi wi vore ghenoemde scepene onse zeghele ane ghehanghen ende dese lette was ghemaket int iaer ons here alsmen scrijft m cc xcij disendaghes na sente peters dach ende sente pauwels
</end>