Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1292_3

<begin>
Jc steuen vanden vlieta porter Jn mechgelne ende Rechtera miins heren sente Rommouts doe cont allen den ghenen die dese lettren sien selen ende horen
</begin>
<main>
dat vore mi ende vorde late die hier na ghenomt siin quam heinric de leu ende vercochte den meester vanden beggarden des couents boef vanden beggarden xv s tsiins alsoe selc alse in borse gheet op willem wilgentops huus dene heleft tegildene te kersauonde ende dander heleft te sente jans misse ende dit was ghedaen bi mannissen miins steuens van den vliete Rechters sente Rommouts ende bi wisenisse der late wouters des brunen willem des beiers lambrechts lobs ende Jans van turnout
</main>
<end>
Ende om dat dit waer es soe hebbic steuen jn orconscape minen zegel hier ane ghehanghen Dese lettera was ghemaket Jnt Jaer ons heren m cc xcii des dondersdages na sente mertens dach
</end>