Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1292_4

<begin>
Wi scepenen van der eyden buten neckerspoele ian de bere arnout van scipuort wouter van gestle wi doen cont allen den ghenen die nu sin ende wesen selen
</begin>
<main>
dat ioncvrouwe aleit sbackers heft ghecocht ter kisten bouf int hof dertech s siaers erfleke alse sulcs paiments alse daermen mede coept ende vercoept jeghen arnoude wiericke op viere huse ende op de erue diere toe behort ende ene x s die salmen nemen op dat erue dat wouter van rikeroden oudende es ende dander tuintech s op dat erue dat dese vornomde arnout wieric oudende es ende alse hier vornomt es vort ware dat sake dat dat erue niet goetghenouch en ware dat dese vornomde woutre oudende es so heft arnout wieric ghewilcort dat sin erue wl doen soude ende dese tsens salmen gilden de ene helft te sinte ians misse ende dander helft te kersauonde ende dit was ghedaen bi maninghen srechters ende bi wiisdoeme der scepenen
</main>
<end>
ende omme dat dit waer es ende seker so ebwiere wi vornomde scepenen onse propere seghele an gheanghen dese lettre was ghemaect int iaer ons heren alsmen scriift mcc iaer ende xcii disendags vor kerst dach
</end>