Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1292_6

<begin>
her ghiliis deboc decaplaen ende alse recter der caplana van zellar ende dese lata art corbiel ende villem metten kinneken ende hermanna van coelna ende heinriic siin broder Wi maken cont alle de ghene die dese letter siin ende horen
</begin>
<main>
dat bouden scropels sona quam ende bekende vore hons bi manesse des heren ende wiginga der lata willem voren beningna de begart chovensboef van den begarden van mechelen xx s dien helft es te gheven sente iansmessce ende dander helf es te geven tekersavont alse selke gelt ende monte alse in borsa geet ende gaen sal in allen tiden alsmen desen sciis nemt op alle siin arve dat geleghen es buten der vesten ane sceiscelberch ter coestraten wert ende houdenda es van den heren van zellar hute desen goda geet te voren vta viii s ende v capuna dat dit vare es damen hic her giliis deboc hanger minen zegel ane alse recter der heren van zellar
</main>
<end>
dese letter vas ghemach in iare dat men scriift van onsen here m cc xcii iare in iarsavont danin
</end>