Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1293_2

<begin>
Wij scepen vander heyden buten neckerspole henric ghoitghebuer ende jan de bere ende gijlijs van heuere gruten ende maken cont alle den ghenen die nu sijn ende wesen selen
</begin>
<main>
dat jan hoeft quam vor ons ende bekende dat hij hadde ghegheuen janne den lanshere al dat lant dat leghet tusscen Gocens erue ende wouters stoppers erue op xv scellincghe tsiars ende enen capoen ende derttech voeete lans neuen Gocens lant sijn als soe lanc als Gocens lant en dien tsijns salmen ghilden dene heleft te kerssauonde ende enen capoen endander heleft te sijnte jansmisse ende met alsge selken ghelde als darmen mede coept ende vercoept ende dar towe heft hyne ghedaen met maennisse tsrecters ende met vonnisse der scepen
</main>
<end>
ende omdat dit waer es en seker so hebwij vor ghenomde scepen onse seghele dat ane ghehancghen en dese lettre was ghe macht jnt jaer ons heren als men scrift m cc jaer en xcii jaer sdijnsdach na palmsondach
</end>