Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1293_3

<begin>
Wi scepenen van neckerspoele andries van den besseme wouter van rumpade zeghere van brusle wi doen cont allen den ghenen die nu sin ende wesen selen
</begin>
<main>
dat willem van cuttshengem heft ghecregen ieghen ver aleiden van louene ende iegen hare kindre ende met haren monbore dat erue dat gheleghen es tusschen hem beiden behouden ver aleiten enen voet buten hare platen vort so heuet willem viere voete al so dore gaende alse vere alse hare hof gaet ende dit erue heft hi op xiiii s siaers erfleke alse sulker munten alse in borsen gaet de ene helft te kersauonde ende dander helft te sinte ians misse ende in dit erue es commen dese vornomde willem met manessen srechters ende met wiisdoeme der scepenen
</main>
<end>
ende omme dat dit waer es ende seker so ebwiere wi vornomde scepenen onse propere seghele an gheangen dese lettre was ghemaect int iaer ons heren alsmen scriift mcc iaer ende xciii sondaghes na sente ians dach dat hi ghehoeft was
</end>