Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1294_1

<begin>
Wi scepenen van den niewen lande binnen machline mense witleder heinric van hofstaden wi doen cont allen den ghenen die nu sin ende wesen selen
</begin>
<main>
dat ian van der eyden es sculdech den her gherarde van hofstaden viere lb siaers erfleke alse sulker munten alse daermen mede coept ende vercoept op heen erue dat ghelegen es an de vondere bider aeustine ende desen tsens salmen ghilden de ene helft te sinte ians misse ende dander helft te kersauonde ende in desen vornomden tsens so es commen dese vornomde der gherart met manessen srechters ende met wiisdoeme der scepenen
</main>
<end>
ende omme dat dit waer es ende seker so ebwiere wi vornomde scepenen onse propere seghele an gheanghen dese lettre was ghemaect int jaer ons heren alsmen scriift m iaer ende cc ende xciiii donresdags inde tsinxsendaghe
</end>