Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1295_1

<begin>
Wi scepenen van der eyden buten machline arnout van scepuort heinric goetghebur wouter van ghestele wi doen cont allen den ghenen die nu sin ende wesen selen
</begin>
<main>
dat broeder jan vanden cranken beghinen heft ghecregen ten cranken beghinen bouf int hof drie pont siaers erfleke alse sulker munten alse altoes in borsen gaet alsmen tsens es sculdech te gheuene jegen heinricke diemen heet van gondeuorde op tue bwnre lants die ghelegen sin bi bruun hogs molen bidere aesdonc dat wilen houdende was woutre de wolslagere ende desen tsens salmen ghilden naest ix s ende i 1/2 hoen diere voren hute gaen ende de ene helft van desen drien ponden die salmen ghilden te sinte ians misse ende dander helft te kersauonde ende hier af heft gheloeft dese vornomde heinric warant te houdene dat huut deser vornomder erue nemmeer voren hute engaet dan dese ix s ende i 1/2 hoen ende in desen vornomden tsens so es comen dese vornomde broeder jan met manessen srechters ende met wiisdoeme der scepenen
</main>
<end>
ende om dat dit waer es ende seker so heb wiere wi vornomde scepenen onse propere seghele an gheangen dese lettre was ghemaect int jaer ons heren alsmen scriift mcc jaer ende xciiii disendags na dertien dach
</end>