Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1296_1

<begin>
Wi scepenen van neckerspoele arnout van scepuort andries van den besseme willem van cuttshengem heinric van herentals jan kerman groeten ende maken cont allen den ghenen die nu sin ende wesen selen
</begin>
<main>
dat quam vor ons ende vor den rechtre arnout diemen heet van ombeke ende lijsbeth van scepuort sin wiif ende hebben ghegheuen na hare beider liif drie pont siaers erfleke alse selker munten alse in borsen gaet ten cranken beghinen bouf int beghiin hof op hus ende op erue dat dese vornomde arnout ende lijsbeth sin wiif houden ende op gheseten sin ende ghelegen es inde scepuort strate tusscen gherarts erue van welline ende maes erue van comene Ende in desen vornomden tsens so es comen broeder jan van den cranken beghinen ten cranken beghinen bouf int beghiin hof met manessen srechters ende met wiisdoeme der scepenen ende desen vornomden tsens die salmen ghilden ten tueen tiden van den jare
</main>
<end>
ende om dat dit waer es ende ghestade sal bliuen so hebwiere wi vornomde scepenen onse seghele an gheangen dese lettre was ghemaect int jaer ons heren alsmen scriift mcc jaer ende xcvi donresdags vor sinte marcs dach
</end>