Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1296_3

<begin>
Wi scepenen van der eyden buten machline heinric goetghebur arnout van scepuort wouter van ghestele gruten ende doen cont allen den ghenen die nu siin ende wesen selen
</begin>
<main>
dat gielis van den cranken heft ghecregen ten cranken beghinen bouf in de stat jegen pietere van houdengem tuintech scellinge siaers erfleke alse selker munten alse tien tiden ghinge ende gaue es alsmen tsens es sculdech te gheuene op heen buunre lants dat ian claeus sone houdende es te pieters bouf van houdengem ende ghelegen es bi troien ende desen tsens dien salmen ghilden naest dertien scellinge ende tue capune diere voren hute gaen ende desen vornomden tsens die sal ghilden dese vonomde ian ofte wie die dese erfliicheit houdende es alf te sinte ians misse ende alf te kersauonde ende in desen vornomden tsens so es comen dese vornomde gielis met manessen srechters ende met wiisdoeme der scepenen ende behoudenlec elken man sinen rechte
</main>
<end>
ende om dat dit waer ende ghestade sal bliuen so hebwiere wi vornomde scepenen onse seghele an gheangen dese lettre was ghemaect int jaer ons heren alsmen scriift mcc jaer ende xcvi disen dags na sinte Niclaeus dach
</end>