Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1297_4

<begin>
Wi scepenen van der eyden buten machline heinric goetghebur arnout van scepuort jacob wulueric gruten ende doen cont allen den ghenen die nu siin ende wesen selen
</begin>
<main>
dat quam vor ons ende vor den rechtre wouter diemen heet van haren ende jan siin sone ende hebben op ghedragen xxxiiii scellinge louentscher penninge erfliicke tsens siaers steuene van den hachgelpoele te siere suster bouf katelinen op heen erue dat ghelegen es van ser iacob wuluerix mure te neckerspoele waert vort ware dat sake dat dese vornomde kateline storue sonder gheborte so soude gielis hare wittege monbore hebben an de ene helft siin liif tocht ende met wilcoren des vornommens steuens ende katelinen siere suster ende desen vornomden tsens dien salmen ghilden de ene helft te kersauonde ende dander helft te sinte jans misse ende in desen vornomden tsens so es comen dese vornomde steuen te katelinen bouf siere suster met vonnesse met manessen srechters ende met wiisdoeme der scepenen ende behoudenlec elken man sinen rechte
</main>
<end>
ende om dat dit waer es ende ghestade sal bliuen so hebwiere wi vornomde scepenen onse segele an gheangen dese lettre was ghemaect int iaer ons heren alsmen scriift mcc jaer ende xcvii sfrindags na sente ians dach huut ganc ende oust
</end>