Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1299_1

<begin>
Wi scepene vander heiden buten neckerspoele heineman goetghebuer ende ian de bere gruten ende doen cont allen den ghenen die Nu sien ende wesen selen
</begin>
<main>
dat quam vore ons ende vor den rechtere ioncvrouwe aliet sbackers ende met montbore ende droghen daer op boudene van conteke tuintech scellinghe siars herflike alse selker munten alse in borsen gaet op alse selch erflijcheit alse verlijsbet ser ians walen dochter houdende was ende op scermols bloc gheleghen es ende dat men hout vanden gaestuse ende dese voreghenoemde xx s siars die sal men ghilden naest vj s louensche ende iiij capoene diere voren vte gaen ende desen tsiens salmen ghilden deen helft te sente iansmisse dander helft te kersauonde ende in desen voreghenoemde sies soe es comen dese vorghenomde bouden van conteke met vonnissen met manissen srechters ende met wiesdome der scepenen ende behoudelike helcs mans rechte
</main>
<end>
ende om dat dit waer es ende ghestade sal bliuen soe hebwi wi vore ghenomde scepene onse zeghele ane gheanghen dese lettere was ghemaket int iaer ons here alsmen scrijft m cc xcviij sondags na dertindach
</end>