Compilatiecorpus Historisch Nederlands 1.0 (CHN): ambtelijke teksten 1250-1800: mechelen_1299_2

<begin>
Ane alle de ghene die dese lettren sien selen de prouiseure Ende douerste meesterscap vanden beghinen houe van mechlene Saluit Ende kennisse der warheit het si cont v allen
</begin>
<main>
Dat wi bekennen wovter bauwe Dat wi hem sculdech sijn Dertech solid sjars tue d min Gemeins paiments te sinen liue Ende es dat sake dat geualt Dat amelberch sijn wiif Ende wovtere sijn sone Langere Leuen Dan hi soe bliue wi elken van hem beiden tien solid sculdech te horen Liue oec gemeins paiments Ende met elken versterft sijn deel den houe die voregenoemt es Ende de paimente die siin half te sente janzmisse ende half te kersauonde Op onderhalf boenre lants die art wittebroet houd van heinrike van werchtere Ende die gelegen siin bi heinriics woninge die voregenoemt es
</main>
<end>
Ende jn kennissen der warheit vanden voregenoemden stucken soe hebbe wi de prouiseure Ende dmeesterscap die voregenoemt siin ons shoefs segel ane dese lettren gehangen Die waren gemaect int diar onsheren m cc ende achtennegentech in den april
</end>