Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1291_1

<begin>
Ende al sulk land cop ende sterf cop alsre tierst vte ghinc moete vort an vteghaen Condech Si alle den ghenen die dit sullen Sien ofte horen
</begin>
<main>
dat auine ghoets goessin ghoets suster heuet verpacht ieghen die prieuse de sustre ende de brodre van den hospitale van oudenarde i half vierdendeel lands erflike dat ligghende es ter stede die men heet ten broke omme v s parisis te gheldene iaerlike te kersauonde ende oec es te wetene dat die vorseide auine heuet ghesedt 1/2 vierdendeel lands hare herfhachtecheden in beternessen van dien vorseiden pachte ligghende an dat selue land dattre vorseid es Ware oec dat sake dat die vorseide auine niet en golde den vorseiden pacht binnen den iiii kerstdaghen soe mochte die van den hospitale hare hant slaen an dat vorseide dachwant lands gheliec haren propren erue ende an dat sire op vonden broder ian van roienghem hi eruede die vorseide auine in dat vorseide 1/2 vierdendeel lands van spetaels haluen ende
</main>
<end>
daer waren onse late dese die hier na volghen gillis de raet goessin van rokenghem Steuen gheellart ende pauels van den hede dit was ghedaen ende ghemaket int iaer ons heren doe men screef mccxci in de manet van octobre
</end>