Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1305_1

<begin>
weten alle de ghene die siin ende selen siin
</begin>
<main>
dat joncvro magriete van rume heeft ontfaen ende es gheerft wel ende wettelike na de costume ende dusage van den lande jn ellef vierendel lants Dat te houdene jn alsulker manieren et der seluer vormen dat houdende was joncvro anes van musebrouc dat es te wetene dat soet cochte jeghen michiele barlebane et gaeft hem 1 erflike omme xxxvi sc 2 siars te gheldene te kersauonde et ne gonde hiit niet et de ghene diet na hem houden selen siars binnen den vieren kersdaghen so waren die vorseide xi vierendeel lants verburt [et] mocht er die vors joncvro anes hant an slaen et berghen et dalen 3 gheliic ha-re ander eruen et jn allen dese vors pointen sonder 4 minderen et enech of doen 5 so heeft joncvro magriete van rume vor ghenomt dese vors .xi. vierendeel lants ontfaen et esser wel et wettelike jn ghe ereft als vorseit es vore steuen den bart macre bailiou sprofts van petenghem jhan bonen pieter van heilebrouc ende gherard den parmentier 6 scepenen s forseits profts orconden der 7 prochipape van morenghem deken van oudenarde suster beatris prieuse van den spetale van oudenarde maes van caleberghe jhan nose hanneken moenard te dien tiden clerc jnt spetail toudenarde
</main>
<end>
t was ghedaen jnt jaer van gracien .m.ccc. ende viue jn meie jnt spetail in der prieuser camere ant kerchof
</end>