Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1340_1

<begin>
Dat moeten weten alle die zijn Ende selen zijn
</begin>
<main>
dat der goessin rikeman heeft verkent ende ghegheuen den hospitale van audenaerde naer zijn lijf al de hiltwinningghe die hi heeft ligghende binnen der prochien van zinghem in wat manieren dat soe gheleghen es Ende ware alsoe dat hiemen den vorseiden hospitale onghebruuc dade ofte wilde doen van der vorseider hiltwinningghen in deele ofte in al so heeft der goessin rijcman vorseit verkent alse van goeder scult ende ghegheuen den vorseiden hospitale C lb paris Ende die so heet hi bewijst met voegde te hebbenne ende te heffenne den vorseiden hospitale op al tgoet dat hi heeft ligghende binnen der prochien van haspre van zinghem van huerne ende van lede
</main>
<end>
Orconden der gheerart wauel alse schepenne in audenaerde ende der goessin bloc ende martin van der marken alse heruachteghe Dit was ghedaen jnt jaer ons heeren mccc ende xl ten jnghane van der maent van aprulle
</end>