Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1345_1

<begin>
Dat moeten weten alle die sijn Ende sullen zijn
</begin>
<main>
dat dierlay rijcman griele ende marie sine zusteren jacop rijcmans kindren waren hebben quite ghescolden ende schelden quite den hospittale van audenaerde al trecht dat hemlieden verstoruen ende verschenen es van der doet van den her goessine rijcmanne haerlieder hoem was an de hiltwinningghe die ser goessins was ende hem toe behoerende ligghende binnen der prochien van zinghem ende van huerne in so was manieren dat die selue hiltwinningghe gheleghen es ende ligghen mach Ende al trecht dat hemlieden nemmermeer commen ende versteruen mach in sowat manieren dat es ofte wesen mach an die vorseide hiltwinningghe ende datter behoert in vor wat manieren dat soe gheleghen es ende ligghen mach ende dat bi wille ende bi consente van schepenen alse voegde van hemlieden de welke hiltwinningghe in vor wat manieren dat soe gheleghen es der goessin rijcman vorseit gaf den hospitale van audenaerde ghelijc dat eene cyrographie verclaert vor dese ghemaect
</main>
<end>
Orconden der jan van der crayen der jan brune der heinric van viue der gheerart wauel der gillis crijn der gillis van pudebrouc ende der clays piet[er] alse schepenen [in] audenaerde Dit was ghedaen jnt jaer ons heeren mccc ende xlv sdonresdaechs naer sente matheeus dach
</end>