Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1349_1

<begin>
Dat moeten weten alle die ziin Ende selen ziin
</begin>
<main>
dat kateline ioncvrouwe van den Oeurenhuus heeft verkent ende gegeuen den hospitale onser vrouwen van audenarde in aelmoesene ende omme gode een vierendeel lants lettel miin ofte meer ligghende in de prochye van herne in de zwt side van den pont weghe tussche den weghe die gaet van huerne der kerken te gherbrouch waert ende dan an den dorne Ende ware alse dat hiemen den vorseiden hospitale onghebruuc dade ofte wilde doen van den vorseiden lande in deele ofte in al so hebbic ioncf kateline van den oeurenhuus vorseit verkent alse van goeder noyalre scult ende gegeuen den vorseiden hospitale xxxvj d paris Ende die bewijst met voegde te hebbenne ende te heffenne in audenarde pieter van der goten alse heruachteghe
</main>
<end>
dit was ghedaen jnt jaer ons heeren als men screef .m... ccc. ende xlix in de maent van noue[m]ber
</end>