Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1366_1

<begin>
Dat moeten weeten alle die sijn ende zeelen sijn
</begin>
<main>
dat maes de ketelbotere heeft ghenomen teenen erfeliken pachte jeghen den prouiserer van der kerken ende van den armen van pamele j huus ende erue staende bachten muelne te pamele dar yde van berlemont hute verstarf omme xxiiij sc par tsiars dats te weetene der kerken xij sc ende den armen xij sc te gheldenne van jare te jare te ij paymenten deen hilt telken sente marien lichtmesse Ende dander hilt telken sente jans messe dar nast volghende Ende alsoe voert erfeleke duerende Ende dit heeft maes vors gheloeft ende bewijst op tselue huus ende erue ende voert up alt goet dat hi heeft ende hebben mach
</main>
<end>
ende der gillis van der meere der gillis van der crayen ende der jacop van den heede alse schepenen in audenaerde dit was ghedaen int jar ons heeren mccc lxvj in kersauonde
</end>