Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1419_1

<begin>
Het is gheordeneert bi schepenen biden goeden lieden vanden raede vander stede ende bi consente van Daniele den Husman opperbailliu van Audenaerde in desen tyd
</begin>
<main>
dat niemene zo wie hy zy eenich goede coepe teenighen sterfhuuse binnen der vryheden van Audenaerde dat men date betalen sal binnen derden daghe daernaer ofte daer ment niet en dade men saelt op hem innen met pandinghen ghelic ofte ware vander stede goede
Item al dierghelic zo wie dat eenich goet coept buten teenighen sterfhuuse dat men dat betalen sal binnen derden daghe ofte daer ment niet en dade men sout innen ghelic ende in alder manieren dat hii hem wettelike verbonden hadde ghelooft bezet ende bewyst op hem ende op alle tsine voor schepenen
</main>
<end>
Gedaen den vien dach in october int jaer xiiiic ende xix
</end>