Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1428_1

<begin>
Het is gheordineert by scepenen die nu syn by al den goeden lieden vanden rade vander stede by consente van eerwerdighen ende zeer wysen Gillis van Douvryn hooghe bailliu van Audenaerde in desen tyt
</begin>
<main>
dat van nu vortan zo wie dat hem wettelic verbint voor scepenen van schuldelike saken ende dien dach overlyt ende niet en betaelt dat men die scult up hem innen sal met wettelicken ghebode met afwinninghen ofte pandinghen naer de rechte vander stede
Vort van allen anderen schulden ghewyst of gheterminert by schepenen tusschen partien dat men dat innen sal ghelyc voren verclaerst
Ende eist dat eenigh porter van buten hem wettelic verbint voor scepenen of dat hem by scepenen ghewyst of gheterminert es dat men dat up dien innen sal met scepenen ende amman alsoot behort naer de rechte vander stede
</main>
<end>
Ghedaen den vierde dach in sporkele int jaer xiiiie ende xxviii
</end>