Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1438_1

<begin>
Wel es te wetene
</begin>
<main>
dat gheordeneert es by schepenen ende goeden lieden vanden raede ende by consente van Janne Utenhove hoghe bailliu van Audenaerde in desen tyd dat van nu voortan niemen wie hy zy gheen recht van horien en coepe noch en doe coepen in eenich sterfhuus dat tAudenaerde ende te Pamele ten sterfhuuse behoort hyne ware derin deelsaem by horien int selve sterfhuus zonder fraude ende dit upde boete van vichtich ponden parisis te verbuerne deen helt den heere ende dander helt der stede van Audenaerde also wel cooper als vercooper ende den coep ghedaen ydel ende van gheenre werden
</main>
<end>
Dit was ghedaen den xste dach in october int jaer ons Heeren xiiiie ende xxxviii
</end>