Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1514_1

<begin>
</begin>
<main>
Als van alzulker injurien als de wedewe van Adriaen vander Heyden kende gheseit ende ghesproken hebbende van Jan Bauwins haren ghevare te wetene dat zoe fame ende mare ghegheven heeft dat de selve Jan haer ghesleghen zoude hebben kende dat gheseit ende die fame ende mare ghegheven ende ghemaect hebbende met quader causen biddende dat hy haer dat zoude willen vergheven om de doot die God starf Ende volghende dien zo verghaft de selve Jan der voirn wedewe omme Gods wille behauden dat zoe de costen betalen soude vanden processe die hy danof voor scepenen vander stede van Audenaerde ghedooght ende ghesustenteert heeft ter tauxacien van scepenen
</main>
<end>
Actum den xxviie van sporcle anno xve xiiij
</end>