Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1542_1

<begin>
</begin>
<main>
Omme dies wille dat Areken de Hoemakere gheseyt Crischman in de wandelinghe aud xix jaer volghende zynder kennesse hem vervoordert heeft te anthierene gheselscepen van quaden levene ende met sulcken dieftelic te helpen stelene in diversche lanthuusen ende daerinne ghecontinueert hebbende omtrent de vier maenden tyts ende oversulc vaghebonde gheleeft es ter clachten vanden hoogbailliu van deser stede ende casselrie van Audenaerde byden mannen van leene vander Keyserlycke Majesteyt vanden hove vanden Steenen man ghecondempneert te stane een alve huere tyts ant peloryn met eene scroode vor syn vorhooft daernaer ghegheesselt te werdene met scerpen roeden totten wedersegghen vanden mannen ende omme syn hoore te sauveerne als van dieften ghecorigiert te syne gheteeckent te syne up synen rugghe up syn bloot lyf met eenen gheloyenden ysere hebbende teeckene van eender A ende bovendien verbannen te werdene uuten lande ende graefscepe van Vlaenderen den termyn van x jaren te ruumen binnen sonneschyne de casselrie van Audenaerde ende binnen derden daghe dlant van Vlaenderen up syn lyf
</main>
<end>
Actum present Joes Cabelliau heere van Mullem Jean de Poyvre Jooris de Curte daude Jan de Ruddere Pieter vander Ghuchte Jacop vanden Bossche Jan van Hallewyn ende Pieter de Cuypere den IIIen in lauwe xve XLII
</end>