Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1561_1

<begin>
</begin>
<main>
Den voorseiden xxiien in novembre xve lxi was byden voorseiden raede gheresolveert datmen den voochden van weezen niet toelaten en zoude de kennesse vanden sterfhuuse van Jan de Moor midts dat alle de hoers poorters waeren datter gheene ghescil en viel ende dat de kinderen al waeren die zom maer x ofte xii jaeren audt by consente van twee vande vier voochden van weezen huerlieden selfs ghemaect waeren niet jeghenstaende nochtans dat inden raedt ghetoocht ende ghelezen was een advys van Mr Pieter de Rycke ende Antheunis vander Varent advocaten ende Jan vander Varent procureur inden raedt van Vlaendren ten pensioene dezer stede die vanden advyse waeren dat niet jeghenstaende de voornoemde kynderen huerlieder selfs ghemaect waeren de voochden vermochten ende sculdich waeren ter bewaerenesse van den onderjaereghen de kennesse vanden voorseiden sterfhuuze te nemene
</main>
<end>
</end>