Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1575_1

<begin>
</begin>
<main>
Naer costume deser stede voor de schulden byden man binnen huwelicke ghemaect zyn de goedinghen vanden wyfve toesprekelic ende ghehauden voor al ende mach men voor zulcke schulden de goedinghen vanden wyfve anspreken zo wel binnen den huwelicke als naer toverlyden vanden man zonder byde weduwe daenof afwysinghe te moghen doene blyvende nietmin in huer gheheel omme haer garant te zoucken ende verhaelene daer ende zo zy te raede vindt
Den februari xve LXXIIIJ inde zaeke tusschen de weduwe van Pieter vander Ghuchte heesscherigghe ende Johanne de Rieu ghedivorceerde huusvrouwe van Joos de Vleeschauwer verweerderigghe zyn uut crachte vander voors costume zekere lettren van decrete inhoudende coop van eenen huuse byden voornoemden Joos ghedaen voor divortie ten laste vande verweerderigghe huere goedinghen verclaert voor al executoire ende ghezeyt dat zy niet en zoude ghestaen met haere presentatie daerby de zelve consenteerde de voors lettren voor deen heelft thaeren laste te laeten wysene executoire hoewel nochtans de voornoemde by sententie vanden gheestelicken hove van Ghendt van elckanderen ghedivorseert worden ende daernaer verscheeden waeren van goedinghen voor tinstellen vander voornoemde zaeke
</main>
<end>
</end>