Compilatiecorpus Historisch Nederlands 1.0 (CHN): ambtelijke teksten 1250-1800: oudenaarde_1639_1

<begin>
Allen den ghonen die dese presente sullen sien ofte hooren lesen schepenen der stede van Audenaerde saluyt Doen te wetene ende certifieren voor waerachtich
</begin>
<main>
dat uppervoochden der selve stede ende heurlieder secretarissen van allen auden ende immemorialen tyden hebben ghehadt ende gheprouffyteert pondtghelt ofte Caelgheldt vande goederen byde staeten van goeden voor hemlieden ghepasseert bekent so wel van leenen patrimonie erfgronden conqueste byden overledenen ghedaen mette lancxtlevende sy haudere ofte hauderigghe oock mede van huysynghen boomen achterstellen van pachten renten vruchten cattheijlen pennynghen tusschen den overledenen ende lancxtlevende haudere ofte hauderigghe ghemeene ende gedeelich jae generaelick van alle baeten gheene ondersondert gheweert den commere tot een schel VI d p vanden ponde groote totte XLtich ponden groote ende boven de selve veertich ponden groote een schel parisis vanden ponde gr
</main>
<end>
In kennisse der waerheydt hebben hierup doen drucken den zeghel van saeeken ende teeckenen by onsen tweeden pensionaris ende greffier desen xxvien Augusti 1639
Was onderteeckent O Piers Onder stondt Accordeert met syn origenel My torconden en was onderteeckent O PIERS
</end>