Compilatiecorpus Historisch Nederlands 1.0 (CHN): ambtelijke teksten 1250-1800: velzeke_1267_1

<begin>
Delantscepenen van velseke quedden alle de ghene die dese lettren selen zyen in onsen here Ende maken bekent alle den genen dye nu zyin ende wesen zelen
</begin>
<main>
dat iacop ver lenten soene cochte chegen den [hare] folken sinen oem 1/2 bunre tfirdendeel van enen dachwande min van sinen opstalle hir vore ane strate te wlre wet din seluen opstal heft iacop weder gegheuen den hare folken ombe vii halster rogds erfleke bennen ii d den besten Ende desen rogghe esmen iarlike sculdech te gheldene bennen den vire paschdaghe iacoppe te velseke bi der maten van velseke ofte jacops oere Ende ne war dat koeren nit vergouden te din termpte soe sloghe iacop sin hant ane din vorgeseiden opstal ofte va sin oer behouden sheren rechte sone ne hadder der folke nit an no sin oer
</main>
<end>
Ombe dat dese vorworde vor ons was gemaket die lantscepene heten hebbe wit geseghelt met onsen segele de vorworde de vaster te houdene Datum anno domini mcclxvii feria tercia ante diuisionem apostolorum
</end>