Lijst

Corpus Van Reenen-Mulder (CRM14): Oorkonde C108p37301

Groningen, 1373

@ Wi borghermeest_e en_ Raed van Groni_ghen doen cundich alle_ luden met dessen opene_ bre~ue dat voer ons quam johan ter venne en_ becande dat hi hadde vercoft siin huus dat ghe-timmert staet op de wester~zijt van herderi_ghe~strate op ene stede de Johan voers_ ghe-huert hadde / tiheghen johanne schyvelaer Rolue husinghe om ene su_me van ghelde de @ joha_ne voers_ vol en_ al betaelt js En_ dit voers_ huus droech Johan op Rolue voers_ en_ @ sine_ erfghename_ met alle_ rechte en_ met alle_ eyghe_dome vry en_ quite ewelike_ to bru-ke_ en_ to + besittene En_ dese voers_ stede daer dit voers_ huus op ghetimmert staet @ heuet Rolf voers_ ghehuert tiheghen johanne schyvelare voers_ to brantspari_ghe @ voer thualef scilli_ghe payme_tes als tot Groni_ghen ghanc en_ ghaue js te + betalen elkes @ jaers als een stadrecht js Dit voers_ huus en_ stede siin gheleghen jn de wester~zijt @ van herderinghe~strate en_ strecket sich nortwart an otte_ Pollemans menewech @ daer Otten erue voers_ op die zuut~zide leghet En_ strecket sich westwaert an otte_ @ houes mure voers_ Dat orcu_de_ wi met onses stades zeghele Ghegheue_ jnt jaer ons here_ dusent dre + hondert dre en_ zoue_tich op sinte vale_tiins dach do her~man Cat_e lubbert sickinghe Ghert lewe otte polleman wycbolt Maurissinghe @ en_ wycbolt Evardes soe_ borghermeest_e ware_ onser stad -