Corpus Van Reenen-Mulder (CRM14): Oorkonde C108p38502

@ Wy , borghermestere ende raed van Groninghen , doen kundich allen lueden mit dessen openen breve , dat vor ons quam Rolef Knasse ende bevande , dat hie hevet vercoft dre grase landes ende een half gras landes mit enen halven stale Bayen Gode Jacobs vor ene summe van ghelde , de Rolef vors_ vul ende al betaelt is . Desse dre grase landes ende een half gras landes mit den stale vors_ droech Rolef vors_ up Bayen vors_ ende sinen erfghenamen mit allen eghendome vrij ende quiit eweliken to bruken ende to besitten . Deze vors_ dre grase landes mitten halven grase vors_ sint gheleghen in Buninghehoerne in der Zuderhoern in enen kampe , de Buninghehoerne gheheten is , van welcken alinghen kampe vors_ Reynolt Hughinc ende Heylen Hughinc de ander deel toebehoert . Ende dit vors_ halve stale is gheleghen in den depe up de oesterzide van dessen vors_ lande . Dat oerkunde wy mit unzer stad zeghele . Ghegheven int jaer uns Hern duzent dre + hondert viif ende tachtich up sente Elsebeen dach , do Herman Kater , Ghert Lewe , Wicbolt Maurissinghe , Wicbolt Everdes zoen , Ghert Paesdach ende Ecbert Vorhouwens borghermestere waren onser stad .