Corpus Van Reenen-Mulder (CRM14): Oorkonde C108p39003

@ Wy , borhermestere ende raet van Groninghen , bekennen ende betughen myd dezen openen breve , dat vor ons quam Ghelmer Stedinghe up Roderwoltmannemaden ende becande , dat hie hevet vercoft vor hem ende vor sine erfnamen Rodetyden ende sinen erfnamen viif grase landes myt horen tobehoren vor ene summe van ghelde , de Ghelmer vors_ vol ende al betaelt is . Ende deze viif grase landes vors_ myt horen tobehoren droech Ghelmer vors_ up Rodetiden vors_ ende sinen erfnamen vry ende qwiit met allen rechte ende eghendome eweliken to bruken ende to besitten . Deze viif grase landes vors_ ziin gheleghen in de noerdzide van den Woltgrave by Wermer Hilleghen erve , dat an de oesterzide leghet , ende Ghelmer Stormers erve , dat an de westerzide leghet . Dat orkunde wy myt onser stad zeghele . Ghegheven int jaer ons Heren dusent dre + hondert ende neghentich up sente Bonifacius + dach , do Ecbert Sculte , Gherd Paeschedach , Zweder van Winde ende Johan van den Berghe borghermestere waren onser stad .