Lijst

Corpus Van Reenen-Mulder (CRM14): Oorkonde C108p39602

Groningen, 1396

@ Wy , borghermestere ende raet van Groninghen , bekennen ende betughen met dezen openen breve , dat vor ons quam Dyrc van Oerschoten ende becande , dat hie hevet vercoft der broderschap van der Kalende in Groninghe viif scillinghe rente , paymentes als in Groninghe ganc ende gave is , to nemen elkes jaers , als een stadrecht is , uet zinen hues ende uet der hofstede , daer dat vors_ hues uppe staet , daer hie nu ter tiit wonet , vor ene summe gheldes , de Dyrke vors_ vol ende al betaelt is . Ende deze viif schillinghe rente vors_ droech Dyrc vors_ up den vors_ Kalentebroders vrij ende quiit eweliken to bruken ende to besitten . Dit vors_ hues ende hofstede ziin gheleghen in de westerzide van Herstrate by Ecberd Ketelhodes steenhues , dat an de norderzide leghet . Dat orkunde wy met onser stad seghele . Ghegheven int jaer ons Heren dusent dre + hondert ses ende neghentich des anders daghes na sente Remigius + dach , do Frederich van Arlo , Zweder van Winde , Reynolt Hughinc ende Alef Schelleghe borghermestere waren onser stad .