Corpus Van Reenen-Mulder (CRM14): Oorkonde C575r39601

@ Dat se kundych allen luden , de den kerstyne + gheloeve holden , dat wy , abbet van Werum ende van den oelden + Cloester ende de ghemene rechters van Fyvelghelande , myt der ghemener meente raet hebben daer + to vorcoeren um noeddrachtycheyd der dyken dese VI : Gherbed A˚kama ende Edzeka to Garawere , Habba to Jukawerth ende Omeka Snelghers to den Damme , B˚nna to Creawerth ende Reyner Sceltynga , ende se hebbent ghesworen to den heyllighen vor de g˚ede lude vorscreven tro˚we ende vrede to holdene als hiir + na ghescreven staet . Dese vorscreven VI rechters to dyken ende to warven vollen vrede to holdene to ende van enen dach ende nacht al um ende umme up aldusdaneghe vorwoerd : int eerste , wart sake dat enych man van desen VI hoeftlynghen worde gheslaghen in den warve , to den warve of van den warve , under hem selven of van hore gheselscyp off van al + der mener partye van beden syden , dat were des hoeftlynghen lyf ende entyeghen des hoeftlynghen lyf , de dar ghesleghen worde , ende dar + to syn huus to vellende myt den ghemenen lande to den dyke , by den dyke ende van den dyke als vor van den warve ghescreven is . Desghelyke weder dese vorscreven VI alsucken vrede to holdene weder alle partyeslude in alsucken puncten als vorscreven is . Ende dese vorscreven VI rechteren alsodaneghen vrede to holdene under hem selven buten warve ende buten dyksco˚wenghen altoes by der pene , de dar + vor is van den hoeftlynghen . Vortmer allen luden vollen vrede to holdene to den dyke , by den dyke ende van den dyke , desghelykes to den warve , in den warve , under der meente , bij VIIvolder boete ende by VIIvolder broeke . Dese broeke up to borende dee vorscreven VI rechters , ende wat dar ghesceet an hor antwoerd of aan hoer waermans antword , dat is jechtych . Ende wat daer anders gesceet by nacht of by daghe , doetdeel , lamethe of dor dade , dat sal men anleden myt der XII hand ende anders saken to scedende by des landes recht . Vortmer wan de dyken wel ghemaket zynt by der g˚eder lude woert vorscreven , so sal ellych man tasten up synen eghenen dyk by alsucker broke als de VI vorscreven verdraghen , ende den dyk vorscreven vort gued to holdene , also dat den lande ghen scade dar + af en scee . Vortmer is dar enych man b˚ten lande , he se wat he se , de dese vorscreven puncten wyl behynderen ende wesen den lande scadelych , dat sal men keren myt malcanderen myt lyf ende myt guede , uetghesproken al arghelyst ende nye + ghe~vonden . Vortmer alle de + ghene , de dar komen enen anderen to hulp , de in noeden is , dat sal wesen alsodaneghe vrede ende broke ende boete van den hoeftlynghen ende van der meente als vorscreven is . Ende sowar de clocke gaet , so sellen dese vorscreven VI rechters dar to h˚lpe komen by hore ghesworen ethe . Dese vorwoerd sullen d˚ren van sunt Ghertr˚den daghe alle Godes heyllyghen + Dach naestkomen . In den jare unses Heren MCCCVI ende neghentych . In oerkunde der warheyd ende hoe + dat al dese vorscreven puncten de beter gheholden werthe , so synt de seghele der gueder lude an desen bref ghehanghen , der abbaten van Werum ende van den oelden + Cloester myt unses landes seghel van Fyvelghelande ende der VI hoeftlynghen seghel , de to den dyke ghesworen hebben . Ende um de mere vestene so heft de stad to Groninghen um der g˚eder lude bede wylle vorscreven hor ingheseghel mede an desen bref ghehanghen ende der hoeftlynghen seghel , de hiir + na ghescreven staen ; Ebbe ? , ? ? ende Eltka syn broder , Obela to Spyc , Eppa , provest to Stedum , ende Johannes , Hessel to den Post , Ondel Ernsta , Fecka Alberta , Liuda Alardisma , Rebba Menolda , Snelgher to Scyramere .