Corpus Van Reenen-Mulder (CRM14): Oorkonde C608r36501

@ Allen luden , die dessen breef zolen zeen of horen lezen , doe ic , Aelf van Zelewert , unde Alheyt , mijn echte wijf , cundich und openbare , dat wy met rade unde vulbort al unzer vrunt unde erfghenamen hebben vorcoft unde under den buren van Nortslene upghelaten na enen rechten lantrechte unze goet unde erve , dat Eltingegoet gheheten is , met al synen thobehoren tho holte unde tho velde , also dat gheleghen is in der burscap van Nortslene vorghes + . , Henrike Ridderinge unde zynen rechten erfghenamen tho brukene unde tho bezittene erflike und ewelike vor uns unde vor unze rechte erfghenamen ume ene summe van ghelde , de uns witlike unde wal betalet is , rasuiren , holinghe unde quetsinghe des breves unde des seghels unde alle hinder , dat hinderen mach an der macht des breves , unde alle arghelist , de vallen moghen in dessen vorghenomden cope , utghesproken . Hiir weren an und over , de dessen coep hoven unde droghen , her Marcilius van Zutlaren , her Evert van Nortlaren , curete , Arnolt Hus van Gasselte , Rolf Anghel , Willem Zubbertinge und anders vele goder lude . In orcunde unde vestnisse desser vorghenomden dingen so hebbe ic , Aelf van Zelewert vorghenomd , vor my unde vor mijn wijf und al unse rechte erfghenamen miin zeghel an dessen breef ghehancghen . Ghegheven in den jare uns Heren duzent dre + hundert vijf und zestich op sunte Peters avende ad Cathedram .