Corpus Van Reenen-Mulder (CRM14): Oorkonde C608r37801

@ Wi , borghermeestere ende raed van Groninghen ende mene rechters van Huzeghelande , doen cundich allen luden met desen openen brieve , dat wi siin overdraghen ende hebben begrepen enen vrede malc met anderen to holdene stede ende vaste , in sodanigher maniere als hier + na ghescreven staet . Int eerste , dat alle lude sellen veylich varen met horen live ende met horen gude tot der stad van Groninghen ende van der stad , bi nachte ende bi daghe , to watere ende to lande . Voertmeer , dat alle meentelude van Hunzinghelande sellen veylich sitten ende hoer goet met vrede bruken , bi nachte ende bi daghe , van beyden partyen in Huzeghelande . Voert dat gheen meenteman in Hunzeghelande sel reyzen ofte (onleesbaar) ? met enighen partyesman in Hunzinghelande . Waert zake dat men enighen meenteman voers_ scult ghave of ansprake , dat he met ? partyesman ghereyzet of ? (onleesbaar) ? hadde , de selde onsculde doen met sinen hoeftmeester met thveen rechteren van siinder retscap ende met ses siinder naester maghen ende met vier zekeren bueren . Ende en mochte hi de onsculde nyet doen als voers_ is op den dach , den hem de rechters ghesettet hadden , so waer siin ? (onleesbaar) ? vredeloes ende verboert , half to der rechteren behoef in Hunzinghelande ende half to der stad behoef . Ende daer + to ? (onleesbaar) ? (onleesbaar) ende blivet buten der meenten vrede . Maer hadde hi enighe mysdaet ghedaen , de solde hi ? tovoren van sinen goede denghenen onser , de ? anghecomen ware , ende ware des goedes dan meer ? , dat ware verboert als voers_ is . Voertmeer , waer enigh partyesman of meenteman in Hunzinghelande , de den vrede brake , den wi nu~ter~tiit bescreven hebben , de solde breken hondert marc Groninghes geldes , half to der stad behoef ende to der rechters behoef in Hunzinghelande , ende daer + to solde hi beteren de mysdaet , de hi ghedaen hadde , met thvevolder boete . Ende waert zake dat ? (onleesbaar) ? (onleesbaar) nyet voll ende wall ? werde ? boete ende (onleesbaar) ? broke als voers_ is . Ende wolden wi met der stad van Groninghen daer + om reyzen den ? ? ? , so sellen wi rechters van Hunzinghelande voers_ der stad van Groninghen volghen ende hulpelyc ? op onses selves cost ende op onses selves avonture , ? (onleesbaar) ? ute elke ammochte vier ghyselen in de stad , de + wile dat de reyze duert , daer den ? ? ? opdat onse meente der ? trouwe blive ende der stad ghenen schade en do . Waert oec zake dat wi rechters van Hunzinghelande voers_ reyzen wolden op yemand , de den vrede brake als voers_ is , ende (onleesbaar) van der stad , so sellen wi ? ? stad helpen den rechteren ende der meente voers_ op onses selves cost ende op onses selves avonture also veer alse de raet ontkant , dat de sake recht si , daer ? ? meente om helpen solden . Ende so sellen wi rechters ende meente voers_ setten ghyselen in der stad als voers_ is , de + wile dat de reyze duert . Ende dat (onleesbaar) ? de anclaghe hevet ? (onleesbaar) ? ammochte in Hunzinghelande ende ons to~samen inleten , dat sal de anderen ammochte in Hunzinghelande oec ghyselen setten , daer hem an ghenoghet . Voert , waert sake dat ene up der reyze velle als voers_ is , waer dat enich lantman van onser meente voers_ de enen stadman wonde of mysdede of waer enich stadman de enen onser lantman wonde of mysdede , de solde beteren met thuevolder boete elke boete onser meente , alse een recht wiset tusken Hunzinghelande ende der stad , ten ware dat het hogher gheboden worde . Dese voers_ puncten hebben wi , borghermeestere ende raet ende ghemene rechters voers_ , begrepen stede ende vast to holden al want ter tiit dat wi dat malcanderen een jaer to~voren opsegghen . Daer + to beholden ons met der stad onser older brieve ende onses oldes rechtes , ende beholden ons mene rechters van Hunzinghelande onser older brieve ende onses oldes rechtes In orcunde so hebben wi , borghermeestere ende raet van Groninghen ende mene rechters van Hunzinghelande , onser stad zeghele ende Hunzeghelandes zeghel an desen brief ghehanghen . Ende om de meerre vestenisse so hebben wi , rechters van Oesterammochte onses ammochtes zeghele , ende wi , rechters van den Opgo , haren Doden zeghel van Sowerth , ende wi , rechters van der Merne , haren Doeden zeghele van Ulrum ende haren Remmertes zeghele van Horahusum , ende wi , rechters van den Halfampte , des persoenres zeghele van Baftlo an desen brief mede doen hanghen . Ghegheven int jaer ons Heren dusent dre + hondert achte ende soventich des Woensdaches na Paeschen .