Corpus Van Reenen-Mulder (CRM14): Oorkonde C608r37803

@ Wy , meene meente van Eesdinghe , van Vederwart , van Ghernewart , van Oestum , van Werum , van Fransum ende van Lywarderwolde , doen cundich allen luden met desen openen brieve , dat wi hebben ghelovet ende loven in desen brieve to holdene stede ende vaste den vrede , den de stad van Groninghen begrepen ende bezeghelt hevet met Honseghelande in al + den ghevoeghe ende in al + der maniere als die brief holt , daer dese thyeghenwordighe brief doer + ghetoghen is . In orcunde so hebben wi haren (onleesbaar) ? zeghele , kerchere van Eesdinghen , haren Coenrardes zeghele , kerchere van Federwart , haer Mennen zeghele , kerchere van Ghernewert , haren Clawes zeghele , kerchere van Werum , ende haren Gheerdes zeghele , kerchere van Fransum , an desen brief doen hanghen . Ende wi , bure van Lywarderwolde , sijn gecant in desen zeghelen voers_ . Ghegheven int jaer ons Heren dre + hondert achte ende zoventich des Woensdaghes na Paeschen .