Corpus Van Reenen-Mulder (CRM14): Oorkonde C608r38201

@ Wi borghermeestere en_ Raed van Groni_ghe_ do cundich alle_ luden met desen opene_ brieue dat voer ons @ quame_ boyke , Gherburghe man en_ Gherborch siin echte wiif en_ ghauen en_ droghe_ op al hoer erue @ en_ al hoer goet waer dat gheleghe_ was / of waer an dat gheleghe_ was hare_ Joha_ne Evardes sone @ prouisor van de_ hylighe_ gheeste met ons tot des ghemene_ Co_uentes behoef va_ den hylighen gheeste @ voers_ met alle_ rechte en_ met alle_ eyghe_dome ewelike_ to bruke_ ende to + besittene / Voert so becanden @ boyke en_ Gherborch voers_ dat si hare_ Joha_ne voers_ to des voers_ Co_uentes behoef den stoc gheleghet @ hebbe_ tot Anne_ jn den dorpe daer de bure van Anne_ over ware_ va_ desen voers_ erue en_ goede als jn @ den lande va_ drenthe een lantrecht wiset / hier js to ghesproke_ dat boyke en_ Gherborch voers_ @ selle_ beholde_ hoer halve schute En_ si moghe_ late_ graue_ bute_ des Co_uentes cost voers_ dre @ schuten torues elkes jaers op den vier roden de ghedeelt siin van den viiftien roden daer si den @ Conuente den stoc of gheleghet hebben En_ daer to sellen boyke en_ Gherborch beholde_ hoer Jnghe-doem Dat orcu_den wi met onser stad zeghel Ghegheue_ jnt jaer ons here_ dusent dre + hondert thue en_ tachtich des woensdaghes na des hylighe_ sacrame_tes dach Do herma_ Catere lubbert sickinc @ Gheert lewe Otte pollema_ wycbolt Maurissinghe en_ wycbolt Evardes soe_ borghermeestere ware_ @ onser stad -