Corpus Van Reenen-Mulder (CRM14): Oorkonde C608r40001

@ Allen lueden , de dessen openen breef sullen zien of horen lezen , doe ich , Gherd Kopes , kundich ende openbaer , dat ich hebbe upgheboerd ende ontfanghen van der stad van Groninghen alsodane ghelt alse den van Groninghen gheboerd to gheven tot horen andele to mynes lieven ghenedighen heren van Utrecht precarie behoef , ende schelde de van Groninghen vors_ daer + van vrij , qwiit , ledich ende loes van alre ansprake van weghen mines lieven ghenedighen here vors_ Ende weerd t sake , dat et to jenigher tiit verclaerd worde , dat de dre engheschen neghene vyer placken weerdich en waren , dat solde men den van Groninghen verrechten . In orkunde der waerheyt so hebbe ich Gherd vors_ minen seghel an dessen breef ghehanghen . Ghegheven in den jaer ons Heren dusend ende vyer + honderd up sente Lambertes + dach .