Corpus Van Reenen-Mulder (CRM14): Oorkonde C608r40002

@ Wy , rechters van Honseghelande , de hiir + na gescreven staen , als Adel Tedekama , Syart Galtesma , Sicke uppe Fennum , Tyase Hebekema ende Ebe Spileman uet den Oesterampte , jonghe Remmeke ende Elle Heckama in den Upgho , Eppe Syallema ende Lgher Ludelsma uet Mydaech , Meyke Robersma , Gayke Ellens , Hidde to Nyehues , grote Sibele end Eyse Tuwinghe uet der Merne , Hibele Ellema to Eenrum , Haye Sibrande , grote Brundeke end Ene to Ranum uet den Halvenampte , doen kundich allen luden met dezen openen breve , dat ons Johannes Ontsatha hevet overghegheven bynnen Groninghe in des menes landes warf onses landes seghel , dat aldus langhe tiit to Zouwart ghewesen heft , up sente Gregorius + avent to middaghe . In orkunde so hebbe wy , rechters vors_ , onse ampte seghel van den Oesterampte , van den Halvenampte ende van der Merne an dezen breef ghehanghen , daer ons anderen rechteren an ghenoghet . Ende um de merre vestenes so hebben wy , borghermesteren ende raet in Groninghen , onser stad seghel mede an dessen breef ghehanghen . Ghegheven in den jaer ons Heren dusent ende vyer + hondert up sente Gregorius + avent vorghescreven .