Corpus Van Reenen-Mulder (CRM14): Oorkonde C613r39601

@ Wy Ghese . Jonge + tesens van Elde Egbert @ tesens en_ Herman Strale ghebroders / Ghesens zoene @ vors_ Doen kundich allen luden myt dessen openen brieue dat wy vor ons en_ vor onse rechte erfg_ @ hebben vercoft en_ vercopen in dessen tieghenwordighen brieue vrouwe by˚en der abbedissen @ van Essen broder Ludiken den hofmeyster van Essen Do in + der + tijt en_ den menen Couente tot Essen @ onsen haluen tenden grof en_ smal als die gheleghen js to dillicht myt al synen to~behoren @ en_ daer die ander helfte van to~behort den Couente van Essen vors_ vor eene summa van ghelde @ die ons witlike en_ wal betaelt js welken vors_ haluen tenden wy Ghese Egbert en_ Herman vors_ @ hebben op~ghelaten en_ op~ghedraghen op~laten en_ op~draghen vor ons en_ vor onse rechte erfg_ Jn @ dessen tieghenwordighen brieue vrouwe byuen broder ludiken en_ den menen Couente van Essen @ vors_ to bruken en_ to besitten erflike en_ vmmermeer Ende wy Ghese Egbert en_ Herman @ vors_ ofte onse erfg_ solen den tenden vors_ waren vrouwen by˚en broder ludiken En_ den menen @ Couente van Essen vors_ to bruken en_ to besitten ewelike en_ vmmermeer vor ons vor onse @ erfg_ en_ vor al die ghene die daer myt rechte op spreket Al arghelijst ende nye + vonde vt~ghe~sproken die den Couente van Essen vors_ hinderen of schaden moghen Jn Orkunde der waer~heyt so hebbe wy Ghese Egbert en_ Herman vors_ onse zeghele vor ons en_ onse erfg_ to eenen @ tughe an dessen brief ghehangen Ghegheuen Jnt Jaer ons h_en Duzent drie hondert Ses en_ @ tneghentich des zaterdaghes na pinxtern