Corpus Van Reenen-Mulder (CRM14): Oorkonde C648r37101

@ Ic , Johan Mensinghe van Haren , do cundich allen luden , die dessen brief zolen syen of horen lesen , dat ik mijt broder Ghizelberte Scade , komelduer van Bonne , overeenghedraghen biin alse van eyner wessele , die wy ghewesselt hebben , alse van drien vyerdendeel gherstens moltes , die wy aver siin goet hadden in den dorp tho Haren , welke drie vyerendeel wy Johanne vorscreven opghelaten hebben ende quijtschelden erflike ende jummermere em ende synen rechten erfgenamen . Des heft he ons weder bewyset in den dorp tho Norch over Roerdinghegoet ander + half mudde half winterrogghe ende half haveren molt , welke ander + half mudde ic em oplate ende quijt + schelde erflike ende jummermere vor my ende vor mynen rechten erfgenamen . In eyne orcunde ende vestenisse des brieves so hebbe ic , Johan vorscreven , mynen seghel an dessen brief ghehangen vor my ende vor mynen erfgenamen . Ghegheven int jaer ons Heren dusent drie + hondert ende eyn ende zeventijch des Manedaghes nae Paschedaghe .