Corpus Van Reenen-Mulder (CRM14): Oorkonde D002p31201

Jn den name des uaders en_ des soens en_ des heylighes gheestes am_ . jc glorie beghine wone_de te zande ghesont van lechame machtich mire reden en_ mire vijf sinne om mire zielen salicheyt na rade mijns prochipapen . en_ ander wiser luden . heb ic ghemaket mijn testament in deser maniere_ . jn den beghinne om ene ewighe memorie te doene in der kerken tes graue_ zande na mire doet bespreec ic daer den prochipape . vi + . s_ . en_ den cappellane_ die zinghe_ vor onser vrouwen en_ vor sente nicolaus elken . ii + _ s_ . jt_ der kerken v . s_ . jt_ den heylighe_ gheest v . s_ . jt_ den coster xij . d_ . jt_ den p_dicaren te haerlem . v s_ ter pentancie . jt_ der carmelite_ al~daer xij d_ . jt_ den minrebroedere_ te dordrecht xij d_ . jt_ de_ augustine_ (onleesbaar) (onleesbaar) (onleesbaar) rente sal men neme_ iaerlijcs van den lande dat gheleghen es in der prochi te zanden . de_ nuen sande daer tweder~deel alwijn daer god die ziele of hebben moete die mijn man was vor sine ziele gaf . vort die renten die ic te rijswic legghende hebbe sal hebben een derden deel die heylighe gheest in de haghe te rijswic en_ te zande tote diere tijt dat ene ghemene vaert wort en_ dan sal men v_copen en_ senden over zee ? ghisebrecht rollen ziele en_ ? de mine vort broeder dieric mine_ zone dat lant dat allaert mijn neue onder heuet gheue + ic en_ bespreke ter (onleesbaar) vort ten p_dicare_ te haerlem xx . s_ . jt_ den p_dicare_ te vtrecht v s_ jt_ te zyriczee de_ p_dicare_ . v . s_ . broeder phillips (onleesbaar) (onleesbaar) (onleesbaar) na reymerswale . iij s + . broed_ florijs . iij s_ harman uan (onleesbaar) iij s_ broeder ysebrande iij . s_ . jt_ de_ minrebroedere_ te dordrecht v . s_ . te vtrecht dien selue_ broed_en also uele . vort thalue huus int beghijn~hof den _uente uan den beghine_ . die ander helft gheertrude mire nifte_ dierics suster uan der lane vort den bloke man ou_zee . v . s_ . vort haren bouden mine_ biechter . x . s_ . Hare_ michiel x . s_ . florus Heynemans soens kinder . i . _ he_ alle_ ogiers kindere_ v s_ . den gasthuse te zande mijn beste bedde en_ beste . ij . paer slaeplaken en_ de beste deke_ al dit ghelt sal men ghelden ene_ conincs d_ vor viij d_ . en_ up~dat dit zeker en_ vast bliue heb ic gheset (onleesbaar) erachtighe lude haren boude_ mine_ prochipape_ en_ hare_ michiel en_ broeder dieric mine_ sone en_ set in hoeren handen al mijn goet en_ ic ne wil niet dat mijn erfname_ eneghe ghoet anuaen eer mijn testament betaelt es vort so set ic al mijn cleder in dere (onleesbaar) (onleesbaar) (onleesbaar) holl_s . dat si daer mede doen alsi mine_ wille wete_ . en_ want ic selue ghene_ zeghel en hebbe heb ic ghebeden erachtighen luden den p_or uan den p_dicare_ te haerlem haren boude_ en_ haren michiel dat si dit beseghelen willen met haren zeghel . Ghegheue_ int iaer ons heren M . + CCC en_ . + xij . in sente lucien daghe -