Corpus Van Reenen-Mulder (CRM14): Oorkonde D002p32201

Allen den ghenen die dese lettren zullen zien / of horen lezen / wi lants Scepene van tsg_uenzande , maken cont ende kenlic dat willaem v_en nellen zone voer ons quam , ende verlyede dat hi scoudich is den heylighen gheest . tien . scellinghe . iaerliker renten vrijs ghelts , alle iare te betalen in vorscoter~marct reede ghelt of eyghene pande als van lanthuere , dese renten heuet willaem vorseyt v_sekert vp sine woninghe ende vp dat erue daer sij vp staed die hi heuet in die zijtwinde , ende heefse ghelouet te bewonen te beteren ende niet te arghen , waert dat daer yet an ghebrake dat heuet ian v_en nellen zone ghelouet te voldoene , ende willaem heuet ghelouet ianne scadeloes te houdenen vp dese vorghenoemde woninghe , dese vorghenoemde re_te_ sijn ghecoft van dien ghelde dat clays v_en dierwiuen gaf den heylighen gheest , bezeghelt met onsen ghemeenen zeghele / ghegheuen des donresdaghes na zente vrbaens dach , jnt iaer ons heeren . &mring; . ccc˚ . ende . tuee . ende . tuintich - -