Corpus Van Reenen-Mulder (CRM14): Oorkonde D002p32301

Jn die name goeds amen , Jc godelt make mijn testament wetende mijns sins al ben ic ziec van lichame by mijns prochghipapen rade / Jn den eersten . den prochghipape . xv . s_ . den capellaen . x . s_ / den coster . v . s_ . vp een coe die wout_ loep in huere heuet / wat si meer ghelt dat sel die kerke hebben jte_ . een Morghen lants daer rode eueraerd plach te wonen die bartelmees hughe_ zone in hueren heuet . om . achtien . scelling . die beset ic den heylighen gheest / ende die heylighe gheest meesters sellen daer of gheuen tiaers den prochghipape . ii . s_ . der kerken . ij . s_ . den gasthuyse . ii . s_ . den heylighen gheest . xij . s_ . ewelike staende sonder die . tien . s_ . selmen voeren ouer zee / alst eene ghemeene vaert wort / also vele v_copen ?an dien lande als die . x . s_ tiaers dreghe_ moghen , ende dese vorghenoemde . x . s_ renten cruys~lant die enroeren (onleesbaar) (onleesbaar) (onleesbaar) , jt_ den Jacopinen te haerlaem . x . s_ . jt_ . onser vrouwen broederen aldaer . x . s_ . jt_ . den minder~broederen te dordrecht . x . s_ . jt_ . den augustinen aldaer . x . s_ . jte_ in elken conuente van desen vier cloestren den armen broederen . x . s_ . onder him te deylen / jt_ . broeder dieric van der lane . v . s_ . broeder phillips . v . s_ , jt_ . ermegaerd pouwels dochter miere nichten een Morghen lants die ic cofte ieghen hughen den gruter in diere manieren dat sijse niet v_copen ensel ende na haerre doet in aelmossen te gheuen by des prochghipapen rade van den zande / aldaer ter kerken ende die daer sijn binne_ den ambocht te bliuen / jt_ . zente maertijn . v . s_ . jt_ . zente katerinen . ij . s_ / zente antonis . ij . s_ . / jt_ . den conuente van zente marienwaerde . x . s_ . jt_ den co_ue_te te coningsvelde . x . s_ . jt_ . te loosdunen . v . s_ . jt_ . reynsburgh . v . s_ . jt_ . ter lee . x . s_ . ver steffenyen aldaer . v . s_ . jt_ . tot haren iaersanghe . xx . s_ . jt_ . v_ lysebetten te coningsvelde . v . s_ . jt_ . te naelduijc der kerke_ . v . s_ . elken gheselle aldaer . xij . d_ . jt_ . den pape in die liere . v . s_ . jt_ . een coe die arnout lantiaens zone heuet in hueren / gheue ic lysebetten tmeesters dochter half / aechten willaems docht_ / Claren / ende ermegaerde van wassenaer die ander helft . jt_ . haren heynrike van monster ende sinen gheselle . v . s_ . / jt_ . haren heynric van tuyl . ende sinen gheselle . v . s_ . / jt_ / haren Jhanne va_ valkenberghe . v . s_ . jt_ . een coe die matijs bouduijns sone in hueren heuet gheue ic den armen binnen den prochghyye van den zande te heemden / ende beueelse aleyden van den Goude / ende ermegaerden pouwels dochter miere nichten te verhueren ende iaerlics den armen te versiene als vore screuen staed / ende dese coe is ghecomen van eenre miere nichte_ hasetiaen diese mi gaf in aelmossen , jt_ mijn deken ende mijn oerkussen ter fermerye ten iacopinen te haerlaem , jt_ haren arnoud coster van naelduijc . v . s_ . jt_ ermegaerde van wassenaer mijn corset / jt_ . ermegaerde pouwels dochter mine salye , jt_ . jt_ . broeder ianne te haerlaem haren gheraerds broeder . iii . ellen . grawes lakens . jt_ . clarissen kinder die late ic quite allen dat si mi sculdich sijn ende gheuet him in rechten testamente , Om~dat dese dinghe vaste ende stede bliuet so hebbe ic ghenomen tot minen testamentore , haren gheraerde minen prochghipape / gheraerde baken , floris (onleesbaar) , ende Jan Jacobs zone , dat sij vtreeker sijn des vorghenoemds testaments ende betalen van minen reesten goede van wollen van wed_lammen ende van casen die nu vallen van minen scapen te zomer tuisghen nv en_ vorscot_~marct ende om meere sekerhede hebbe ic ghebeden haren gheraerde dat hijt heuet bezeghelt met sinen zeghele , ghegheuen des woensdaghes te half . aperelle , Jnt iaer ons heeren . &mring; . ccc˚ . drie . ende . tuintich - -