Corpus Van Reenen-Mulder (CRM14): Oorkonde D002p32402

Allen den ghenen die dese lettren sullen zien / jof horen lezen / Jc florens van braband ghezonds liues / ende machtich mijns sins , gheue vore Jhans ziele van braband mijns vaders / ende vore die mine in rechter aelmossen EEwelike staende den heylighen gheest tote tsgrauenzande . vijf . scelling iaerlix alle iare te betalen in die herfs zant~marct / ende bewiset intenemene ende verzekert vp die helft van tien morghen lands van dier zuytzide in , die ic hebbe lecghende in zant~ambocht bezuyden der porte , Ommd~at ic wille dat dese dinghe vaste ende stade bliue / zo hebbe ict bezeghelt met mijns selues zeghele / ende omme meere zekerhede hebbe ic ghebeden haren gheraerde den prochghipape van tsg_uenzande / dat hijt heuet bezeghelt met sinen zeghele , ghegheuen des dinxdaghes na zente valentijns dach , Jnt iaer ons heeren . &mring; . ccc˚ . viere . ende . tuintich - -