Corpus Van Reenen-Mulder (CRM14): Oorkonde D002p32601

Allen den ghenen die dese lettren sullen zien / jof horen lezen / wi lants Scepene van stg_uenzande maken cond ende kenlic / dat haer gheraerd onse prochghipape voer ons quam , ende gaf den heylighen gheest te sg_uenzande te vryen Eyghijn , die woninghe metten erue die gheleghen is int nortland also als hijse cofte ieghen iacob larken , Jn deser manieren , als dat die heylighe~gheest~meesters wie si sijn / sellen vt~reeken / broeder Jhanne van kulenburgh sinen broeder , die in onser vrouwen Ordijn is , also langhe als hi leuet , alle iare . dartich . scelling hollantsghe , jof den houder deser letter tot sulken daghe alsmen die woninghe verhuert vrijs ghelts / ten ware Joft also vele niet ghelden en mochte , watter of comet dat selmen him iaerlix vt~reeken , tenden siere doet / so sijn die renten des heylichs gheests / Omme~dat dit vaste ende stade bliue / so hebbe wijt scepene vorghenoemd bezeghelt met onsen ghemeenen zeghele / ghegheuen Jn zente . magrieten . auond / Jnt jaer ons heeren &mring; . ccc˚ . Sesse . ende . twintich -